Buktreyler – kitabın içindəkiləri vizuallaşdırmaqla onun ən parlaq və tanınan anlarını özündə əks etdirən video çarx və ya treylerdir.

Buktreyler Festivalında iştirak etməyə tələs!

Buktreyler göndər

III BUKTREYLER FEST. QALA GECƏSİ.
Qısa versiya.

   

III BUKTREYLER FEST. QALA GECƏSİ.
Reportajlar.

BUKTREYLER NƏDİR?

   

MƏŞHURLAR SİZİ İŞTİRAKA SƏSLƏYİR

MÜKAFATLAR


Mədəniyyət Nazirliyi tərəfindən:

I yer - 1.000 AZN

II yer (2 nəfər) - 800 AZN

III yer (3 nəfər) - 500 AZN


Azercell şirkəti tərəfindən:

"Ən yaxşı mobil buktreyler" nominasiyası - 1.000 AZN










Festivalın məqsədləri:

  • kitab və mütaliənin cəmiyyətimizdə təbliği;
  • mütaliəyə münasibətin yaradıcı formaların inkişafı və dəstəklənməsi;
  • kino sahəsində istedadlı və yaradıcı gənclərin (rejissor, operator, rəssam, aktyor, qrimçi və s.) üzə çıxarılması;
  • buktreylerlərin incəsənət və biznesdə bir istiqamət kimi inkişafı.

Sevdiyiniz kitabın buktreylerini çəkin və qalib olun:

Festivalda iştirak şərtləri aşağıdakılardır:

  • Festivalda yaşından asılı olmayaraq arzu edən hər kəs iştirak edə bilər;
  • Festivalda çap şəklində nəşrdən çıxmış (nəşr ilindən asılı olmayaraq) Azərbaycanlı müəllifin kitabından və ya kitab seriyasından bəhs edən Buktreylerlər iştirak edir;
  • Festivala bir iştirakçı tərəfindən təqdim olunan Buktreylerlərin sayına məhdudiyyət qoyulmur;
  • Festivala təqdim edilmiş Buktreylerin öz müəllif işi olmasına və kimsənin müəllif hüquqlarının pozulmamasına iştirakçı zəmanət verir. Əks halda, kimsənin müəllif hüquqlarının pozulmasına görə məsuliyyəti iştirakçı daşıyır;
  • Buktreylerlərdə Qanunvericiliyə zidd olan; siyasi, dini, irqi və milli ayrıseçkiliyi təbliğ edən; senzuradan kənar ifadələri, pornoqrafik materialları və siqaret əks etdirən məzmun qadağandır;
  • təqdim edilmiş Buktreylerlər Münsiflər tərəfindən təhlil edilmir və geri qaytarılmır;
  • iştirakçıların Buktreylerləri müəllifdən icazə alınmadan və buna görə heç bir ödəniş edilmədən Festivalın təbliği məqsədilə istifadə edilə bilər, eləcə də Festivalın rəsmi saytında və internet resurslarda (saytlar, KİV, sosial şəbəkələr, YouTube və s.) yerləşdirilə bilər.

Buktreylerlər aşağıdakı tələblərə cavab verməlidir:

  • xronometrajı: max. 3 dəqiqəyədək;
  • formatı: mov, mp4, mpeg, mpg, avi, wmv;
  • minimal ölçüsü: 1080p Full HD (1920x1080);
  • media forması: oyun (aktyorların iştirakı ilə), qeyri-oyun (aktyorların iştirakı olmadan), animasiya (çizgi filmi);
  • əvvəldə Festivalın və dəstəkçilərin loqoları (yüklə: .mpg) yerləşdirilməlidir;
  • sonda Buktreylerin aid olduğu kitabın fotosu və Festivalın saytının ünvanı (yüklə: .mpg) yerləşdirilməlidir;
  • Festivalın təşkilinə aidiyyatı olmayan brendlər, markalar, ticari nişanlar, eləcə də kommersiya təşkilatları və sponsorlar barədə məlumat əks etdirilməməlidir.

  • * – İştirak şərtlərinə uyğun gəlməyən və tələblərə cavab verməyən Buktreylerlər Festivalda iştiraka buraxılmır.
  • ** – Buktreylerlər burada qeydiyyatdan keçirilməlidir, müəllifin Şəxsiyyət Vəsiqəsinin və Dövlət Sosial Sığorta Şəhadətnaməsinin surəti təqdim edilməlidir.
  • *** – Son müraciət tarixi: 1 Aprel, 2019

Əlavə məlumat üçün: festival2019@booktrailer.az

MÜNSİFLƏR HEYƏTİ

ŞEYX ƏBDÜL

Kinorejissor, ssenarist və aktyor, Azərbaycanın Xalq artisti. Moskvada Ali rejissorluq və ssenaristlər kursunun rejissor bölməsində Andrey Tarkovski, Leonid Trauberq, Vasili Şukşin və G. Daneliya kimi məşhur sənətkarlardan dərs almışdır.

ORXAN FİKRƏTOĞLU

Yazıçı, ssenarist, rejissor, jurnalist, Azərbaycanın Əməkdar incəsənət xadimi. Əsərləri İran, Türkiyə, Bolqarıstan, İsveç və bir çox dünya ölkələrində çap olunub. Müxtəlif dövrlərdə C.Cabbarlı adına "Azərbaycanfilm" kinostudiyasının, Dövlət kino komitəsinin, AzərTelefilmin, "Günay" qəzetinin baş redaktoru işləyib.

GÜLZAR QURBANOVA

Teatr və kino aktrisası, Azərbaycanın Əməkdar artisti. Moskvada kinematoqrafiya institutunu bitirib. Yuğ Dövlət Teatrının aktrisasıdır. Kinoda 20-dən çox obraz yaradıb. "Yarımçıq xatirələr" filminə görə "Ən yaxşı qadın rolunun ifası" nominasiyasında "Qızıl Pəri" mükafatına layiq görülmüşdür. 9 may 2018-ci ildə Prezident Mükafatına layiq görülmüşdür.


MƏLAHƏT ABBASOVA

Aktrisa,Azərbaycanın Əməkdar artisti. İstanbul bələdiyyəsinə bağlı Şəhər teatrları bədii rəhbərinin müavini. Hazırda Türkiyədə yaşayır. Türkiyədə "İblis" tamaşası onun quruluşunda tamaşaçılara təqdim edilib.

GÜNEL ANARQIZI

Yazıçı, publisist və jurnalist, türkoloq, Azərbaycan Yazıçılar Birliyinin üzvü. Günel Anarqızı "Pəncərə", "Ölkəm", "Azercell" jurnallarının baş redaktoru olmuşdur. 2018-ci ildə Azərbaycan-Polşa əlaqələrinin möhkəmlənməsində xidmətlərinə görə Azərbaycanın Polşa səfirliyinin medalına layiq görülmüşdür. 2018-ci ildə Heydər Əliyev Fondunun təşəbbüsü ilə yaradılmış Bakı Kitab Mərkəzinin direktorudur.

RUSLAN SABİRLİ

Kinoaktyor, prodüser, kinorejissor. Azərbaycan Bukteyler Festivalının təsisçisidir. Almaniyada aktyorluq və rejissorluq kursunu bitirmişdir. "Xəyanət", "Əsl Sevgi", "Sürücü", "Muradına çatan Günəş", "Sənə inanıram" seriallarında baş rolları canlandırıb. Qafqazda Facebook və Odnoklassniki sosial şəbəkələrində profili təsdiqlənmiş ilk tanınmış insandır.

Facebookda mesaj göndər:

Facebookda bizi izləməyi unutma.


İŞTİRAK EDƏN BUKTREYLERLƏR:

Təqdim edir:


Tərəfdaşlar:

   
   

Texniki tərəfdaş:

   

İnformasiya dəstəyi: